Гэта старонка не была вычытаная
КОЖНЫ РАЗ НА „ЭФТОМ САМОМ МЕСТЕ“.
Сабраліся на аднэй нарадзе памагаць газэце.
— Ведаеце, трэба літаратурны аддзел завесьці, — унёс прапазыцыю адзін літаратар.
— Літаратурны? — скэптычна прыжмурыўся мэдык…
— Ну, ведаеце, розная яна бывае…
— Хто „яна“?
— Ды літаратура. Калі гэткая літаратура, як „Сонца, ня суйся са мной на нажы“, альбо „Божы дом зрабілі школаю, а папу пад сэрца востры нож“.
Няма чаго сказаць — лі-та-ра-ту-ра. Не прывядзі, госпадзі, з гэткім літаратарам у пацёмках спаткацца.
— Дык якую-ж вы пропозыцыю ўносіце? — запытаўся зьбіты з сваёй позыцыі літаратар.
— Я… я ўношу пропозыцыю завесьці мэдычны аддзел, —горда сказаў спасіцель газэты, мэдык.