Старонка:Пракосы напамяць (1932).pdf/80

РАЗЬВІТАНЬНЕ

„Как пошли наши ребята
В Красной гвардии служить“…Ал. Блок

Не глядзелі штату. Трэба? Працавалі.
Досьвіту хадзілі рэзаць траўны шоўк.
Што-ж, бывайце, хлопцы,
Час, і нам прыпала…
Бараніць краіну наш чарод прышоў.

Ты будуй, таварыш,
Падавайце цэглу…
Разьвінайце песень будаўнічы рой,
Каб прарыву пляма ганьбою ня легла,
Ты будуй, таварыш, моцна стой!

Не здавалі ў працы,
Не здамо і ў бойцы,
Вартаю няўтомнай станем на мяжы.
Запявайце песьню, звоны-калаколцы,
Не „айчыне“ едзем, не цару служыць.

Па мяжы вандруе, точыць вораг іклы,
Злыбедаю сякне чортава гайня…
Толькі кам ня нова,
Да такога звыклі,
На выпадак маем стрэльбу і каня.