Предмова
Василеи Тяпинскіи зацнои монархии словенскои, а злаща богобоиным ласка ипокоі от ѿбга ѿца и ип҃на н҃шго Ис҃са Хс҃а.
(все написано киноварью).
Рад покажоу мою вҍроу которꙋю маю. азлаща народу своему роускомꙋ. тые ее онымъ давним вҍкомъ славною, предков своих оумҍетностью, покорне ꙗко довнимаю потвердѧтъ, аестли ест вчом блꙋдна оны то поправѧт. ведже держꙋ же неинаичеи одно зъ ев҃ѵліи ѿ бога через Хр҃ста пана иего апостолов поданое. котораꙗ есть сꙋма законоу б҃жего. которая зсловенского абы имъ теж и их власным езыком роускимъ вдроукоу вышла. иотое маючи пана напомочи. несмысленым або красомовным выводом. незалецаными аничасꙋ оугажаючими словы. але ꙗко с приꙗзливыи простыи ащиріи. правдиве, вҍрне, аѿвористе. зъ зычливости кумоеи ѿчизне. поневажь которымъ бы то властнеи ꙋчинити пристоело митрополитове влдки инихто зꙋчоных через так многіи час нехотҍли. зъꙋбогое своее маетности народоу моему ꙋслꙋгую. на которои ітеж принеи и наименечкоу хотѧж то было не великое, вжо дле накладоу, азлаща книг стариг давних. нарозных инеблизких месца(х) доставаючи. надто еще вминоулые лҍта тѧжкіе дороги дле дроукꙋ ипотребъ тому належачих подыимаючи, аправе все дотого зачинаючи зновоу. ач вельмим стол ведже предсе и должачисе. ибымитеж, ижем то не влох не нҍмец або не доктор, иниꙗкіи постановеныи межи попы. але з чого бы мҍли пана звыкриканемъ фалити ирадоватсе, же зъих з посредкоу русинъ их имъ своей рꙋси оуслоугꙋючии. бы ми мовлю ꙗко то призвоито бываеть. итакою невдѧчностью, анекоторые вместо помочи
