Гэта старонка не была вычытаная
Калі прыйдзе той час,
Час радасьці Новага Слова!
Умова? Якая ўмова?
Ніякіх умоў дзеля слова,
Калі яно новае слова!
Грэцкая дзеўчына Фрына
Калісь-то зьявілася голай
На сьвята.
На гульбішчы гулы гулі,
Але не глядзець не маглі!
Так. Слова народнае — Фрына
З поэтай прыдбае нам сына.
Ён прыдзе, далі-бог!
Сварог-пярун!
О, колькі струн, ненацягнутых струн,
Трэба яшчэ працягнуць
Ад сэрца да сэрца,
Ад душы да душы!
Адзін з „купалаў“ сказаў:
„Годзе жыць у паняверцы!“
Каб паверыў-жа ён сам
У Новае Слова!
