Старонка:Курганная кветка (1914).pdf/59

Кветка Папараці.

Фантастычны абразок у адной дзеі.

---

АСОБЫ: Хам — Русалкі.

Рэч дзеіцца на Яна Купалу. Лес. Месяц сьвеціць. Хам у мужыцкай вопратцы выходзе на акраіну лесу. Пагляд яго мутны; павароты цікаючыеся, перэпалоханые.

---

Хам.

Га́дзіны ўюцца кругом,
Выюць ў імшарах ваўкі…
Во!

(Атступаючы).

Чорт ляціць за чартом,
Бьючы хвастамі ў бакі…
Ведзьмы з балота паўзуць —
Ўсе у балотнай ціне —
Штосьці жудліва пяюць.

(Сьцеражэцца бытцам ад удару).

Гразьзю кідаюць ў мяне.
Енчэ пад ногамі мох,
Штосьці так вые ў кустах,