Тут кожны куст пяе каханьне, Тут рэчка казкаю журчыць, Аповесьць доўгую змаганьня Тут навявае кожны крыж.
Дарогай ў далечы пайду я, Пайду часамі без дарог, І кожны кусьцік расцалую. На уміраючых палёх…
Калі над цінаю імшараў Засьвішча волат гарадоў, Я разаб‘ю пустую чарку На полі выпітых галоў.
Ня буду, любая, дакоры З твайго кілішка дапіваць, Калі над шляхам будуць зоры Сталёвай раніцай зіяць.
8
