Гэта старонка не была вычытаная
не былъ (4 Царств. 23), который бы ся тако навратилъ къ Господу Богу.
А тое для того Духъ Святый написалъ, абы цари, князи и иныи преложении ведали, иже тое на ихъ уряд залежить, абы всякие балъваны и ложные службы губили и выкореняли. Таковыхъ бы теперь по всехъ Рускихъ земляхъ вельми пильная потреба, где ся iдол и розличныхъ балвановъ вже от колька сот летъ такъ намножило, иже за ними и Бога людъ посполитый забылъ. Лечь о томъ иншого часу ширей напишемо.
ПЫТАНЬЕ
Говори третее приказанье.
ОТКАЗЪ
"Не возмешь имени Господа Бога твоего вотшче або напрасно."
