Гэта старонка не была вычытаная
тить, и потомъ вечный животъ обецуеть. Яко на взоръ маемъ Езекию и Іосию, царей Іудейских, которихъ Богъ противу всехъ враговъ ихъ крепко боронилъ, иже тому приказанью досыть чинячи, всякие балъваны губили. Такъ иже и оного змея медяного, которого былъ Моисей по повелению Божіему учинилъ (Числа 21), егда ся ему молити людъ почалъ, побожный царь Езекия съкрушил, хотя жь онь змей былъ образомъ Сына Божiего Господа нашого Ісуса Хріста.
О томъ пакъ Езекiи тако Духъ Святый написалъ: "На Господа Бога уповалъ сей царь Езекия. И прото ж по немъ не было ему ровного во всехъ царехъ Іудиныхъ" (4 Царств. 18). Но ни в тыхъ, иже пред нимъ были. По тому жь и о Осии написано, иже ему подобный царь
