Гэта старонка не была вычытаная
мало подалей тамъ же Павелъ мовить: "Родъ убо сушче Божіи, не должни есмо непшчевати (домнимати) злату и сребрю или каменію, начертанію хитрости и смышлению человека, Бога быти подобна".
Зде ясне видишь, иже Апостолъ Самому таки живому Богу заказуеть чинити уподобления такъ от золота або сребра, яко от каменья и от всее человеческой хитрости. Хотя жь пакъ вже тогды Хрістос, Сынъ Божій, принялъ былъ зракъ человечи. Надъ то, ачь Богъ явилъ ся намъ въ Сыну Своемъ, лечь намъ образовъ таковыхъ чинити не велелъ. Маемъ бо на томъ образе перестати, который намъ Богъ подати рачилъ, то естъ на Самомъ Сыне Божіимъ. Той естъ единый образ Божій, которому ся кланети ма-
