Гэта старонка не была вычытаная
воплошченью Сына Божiа не хочеть Богъ, абы Ему образы чинены, прочти речь святого апостола Павла, которую мелъ къ Афиньским, где межи иными словы тако рече: "Бог, сътворивый миръ и вся, яже в немъ, сей небу и земли Господь сый (святый?), не в рукотвореныхъ храмехъ живеть, ни от роук человечыхъ оугоженіа приемлеть" (Деа 17:24-25). Изъ которихъ словъ явно естъ, иже Апостол не о ложнымъ якимъ бозе говорить, але о Самомъ истиныимъ живымъ. Бо такъ рече: "Богъ, створывый миръ", а предъся ясне придалъ, иже тотъ Богъ оугоженіа от рукъ человечихъ не приемлеть. Образы пакъ, або яко е зовоуть, иконы, што иного суть естъли не оугожение, то естъ служба, от рукъ человечихъ? Прото
