Гэта старонка не была вычытаная
лоу, ставшися подданый греху. Яко и Апостолъ тую же вину даеть, где рече: "Закон духовенъ естъ, азъ же плотенъ" (Рим. 7:14).
Прото не для того Богъ далъ Законъ, абы и человек выполнити могъ, але наболей абы позналъ и обачилъ недостаток свои. А обачивши, абы у собе не уповалъ, але бы где инде лекарства и спасенья искалъ. А для лепъшего вырозуменья обачь а паметай, ижь троякій естъ пожитокъ Закона - наказание, которого и добрим, и злым потреба. Хочеть бо Богъ, абы зліи люди были гамовани и карани. А добрим потреба науки и наказанья, наболей молодым людемъ и простымъ. Другый пожитокъ Закона - къ обличанью греховъ и престрашанью совести. О чом
