Гэта старонка не была вычытаная
ПЫТАНЬЕ
Чи можеть человек того довести, абы не похотелъ або не пожадалъ?
ОТКАЗЪ
И сами по собе знати можемъ, и Слово Божіе сведчить, яко не можеть никто тому досыть учинити, абы в немъ похоти не было.
ПЫТАНЬЕ
Естли бы того никто исполнити не моглъ, для чого жь Богъ далъ сию заповедь?
ОТКАЗЪ
Не только сее заповеди, але иныхъ всех исполнити человекъ не можеть. Бо кажная заповедь достаточного выполненья потребуеть и хочеть, яко вже мовили есмо, а человекъ утратилъ таковую си-
