Гэта старонка не была вычытаная
которой речи виною и начальником Самого быти Бога, розумей сию речь за добрую. Опять, знайдешъ ли какую речь оной, же начатокъ далъ діаволъ, не мей оное речы за добрую, хотя жь пакъ розум чоловечій и очи полюбять.
Але не далеко заходячи, обачимъ, кто цари, князи, воеводы и иншие врядники поставилъ.То пак все Писмо и Ветхого и Нового Завета посведчаеть, яко Богъ всехъ тых на ихъ престолы сажаеть. Тако бо у Притчах Соломоновых премудрость, то естъ Сынъ Божій, рече: "Мною Цари царствуют и силніи пишють правду, Мною велможи величествують и мучители Мною держать землю" (Прітч. 8:15-16). А што можеть ясней речено быти, яко зде Сынъ Божій поведелъ, яко от Него вси Цари, Господа-
