Гэта старонка не была вычытаная
Божіему Слову места дати не хотять для отецских обычаевъ або для знаменъ, чюдес або для якого явленья ангельскаго.
ПЫТАНЬЕ
Годить ли ся Хрістианину быти на вряде?
ОТКАЗЪ
Напервей, нежели на тое пытанье откажу, потреба ся нам от Божіего Слова гараздъ навчити, какова речь ест врадъ, добра ли або недобра. Найдеть ли ся у Божіемъ Слове, яко врядь речь добраа, чого бы для Хрістіанин не мелъ быти на уряде? Опять, знайдеть ли ся, яко злаа речь урядь, ино негожа будеть Хрістіанину бити врядъникомъ.
То пакъ кажную речь по сему познати, какова ли будеть, естли вину або причину оное речи обачишь. Бо знайдеш ли
