Старонка:Заранкі (1924).pdf/92

І кароўкі ўміг яму
Адказалі: „Му-му-му!..

Будзем цэлы дзень гуляць,
Траўку, красачкі шчыпаць.

Каб спачыць нам у цяньку,
Пабываем і ў гайку.

Там крыніца б‘е струёй;
Будзем піць вадзіцу ў ёй.

А як прыдзе ў поле змрок,
Сонца зьнікне за лясок, —

Зноў у вёску вечарком
Прыдзем з смачным малачком“.

|}

УЛЕТКУ.

Ласкава зірнула
К нам у хату сонца
І зазьяла ясным
Бляскам на ваконцы.

Ў гай зялёны пойдзем
Мы сягоньня, дзеткі:
Ягады ўжо ёсьць там
І красуюць кветкі.

Там паміж кустамі
Знойдзем мы чарніцы;
Нас чакаюць ў траўцы
Сьпелыя суніцы.

Там бульбоча рэчка
З вецярком шумлівым;
Будзем любавацца
Ручайком бурлівым.