Што справядлівасцю і розумам найсветлым
Ўсе сэрцы віленчан к сабе схіліў.
І вам, і вам, панове і сябры!
Радцы.
Цябе вітаем, слаўны муж навукі!
Бабіч (у дзверы).
Гэй, Іване! Служка!
Дай крэсла ганаровае для госця!
Бабіч.
Сядай, высокі госць наш!
Бабіч.
Сядайце й вы, панове радцы!
Бабіч (да слуг).
Яшчэ два крэслы прынясіце і пастаўце
Вось тут і тут — для двух легатаў
Ад епіскопій грэцкае і рымскай веры.
Георгій.
А іх няма яшчэ?
Бабіч.
Чакаем, будуць зараз.
Георгій.
Тады прабачце мне, я прачытаю ліст,
Што прачытаць не меў дагэтуль часу.
Адвернік (групе радцаў).
Ну як, сябры? Ці думалі, адкуль
Узяць магчыма грошы на друкарню?
Радца.
Калі не шмат…
Адвернік.
Не шмат не выйдзе у справе невядомай,
Да таго-ж
Не кожны грош у справу лучыць проста:
Тут рызыка і пошук, — зробіш, ды не так,
Тады перарабляй, а грош тымчасам згінуў.
Радца (упоўголаса).
Ну, гэткі грош хай плаціць ён…
Адвернік (таксама).
Як ёсць з чаго…
Радца (таксама).