Старонка:Дні вясны (1927).pdf/33

∗
∗     ∗

Смутак сьлязой адцьвітае на скронях…
Дайце мне, дайце мне новых настрояў!

Песьню злажу на вясёла-хмялёвы я лад,
светлае раньне ў палёх сустракае мой брат.

Шолах кляновы чупрыну яго хай разьвее…
Ціхая радасьць! Песень маіх залатая завея!

Хочацца сёньня ў вянок мне усьмешку завіць, —
хай яе спырскаюць сьвежыя колеры чыстых зарніц.

Шчодра рассыпаны росы на клёнах, —
смутак сьлязой адцьвітае на скронях.