Старонка:Гудкі (1930).pdf/16

ГЭРОЙ ПРАЦЫ

Закалыхалася сірэна ў белых сецях,
узбудзіўшы раніцу зімы…
На лядзянках коўзаюцца дзеці,
як калісьці коўзаліся мы.

Аздобілі бель-сьнежаныя ўзоры
шыбіны застыўшых камяніц…
На фабрыцы
машынным звонкім хорам
кіраваў —
сівенькі машыніст…

А ў тыя дні,
у дні ліхой пакуты,
ён зваў таварышаў,
ён клікаў не маўчаць —
а баставаць!
І сілаю магутнай
рваць путы-ланцугі!
Краінай —
заўладаць!..

Асьнежаны бязьмежныя даліны.
Асьнежаны фабрычных труб квартал.