Старонка:Вежа (1928).pdf/60

ПЕСЬНЯ ПРА СІНЬ-ВЭЯ

(Быліца)

Што прайшло — не настане.
Пра мінулае — толькі ўспамін.
Жывуць парознаму —
Сінь-Вэй — кітаец,
містэр Кэлінг
і бонза Мінг.

Старыя законы — сьвятыя законы!
Ці знойдзеш мудрэй?
Навошта містэру Кэлінгу коні,
калі ёсьць рыкша Сінь-Вэй?!

Бонза знае шэсьць тысяч знакаў —
думкі таемныя Сан Цзы-цзін.
Любіць бонза Ціена — сабаку,
срэбныя цэнты і жонку Сін…

З раньняй да позьняй зары
возіць Сінь-Вэй і жоўтых, і белых:
будзе прыемным агорклы рыс
і сон на бруднай пасьцелі;