лагодна жыць. Нам і з гэтага карысьць вялікая будзе. Бо калі што, дык ня дурні мы. Вось мы з тваім бацькам права голасу ня маем, як быўшыя сябры „Саюзу рускага народу“. А голас той нам, ох… як патрэбен. Таму і трэба нам да камуны падмазвацца.
Стэпа. Што гэта там такое?.. А бадай цябе… (Хутка выходзіць).
Палашка. Мабыць, Крыстына самавар перакуліла… (Таксама выходзіць).
ЗЬЯВА IV
Самахвал — Паўлюк
Самахвал. Што там здарылася, Паўлюк?..
Паўлюк. Ды каб… Дурніца тая, Крыстына, самавар перакуліла… Добра, што не закіпеў яшчэ… Вада толькі-толькі цёплая была, а то напэўна-б абварыла.
Самахвал. Як-жа гэта яна яго так перакуліла?
Паўлюк. Ды разявака такая, думала, што я яе абнімаць буду, а я толькі пажартаваў… Ну, яна адскочыла, зачапіла за самавар і, значыць…
Самахвал. Так, так… Пажартаваў, кажаш!.. Эх, Паўлюк, жаніцца табе ўжо пара…
Паўлюк. Ды я нічога супроць ня маю, толькі няма нічога людзкага.
Самахвал. Знойдзем!..
(Уваходзіць Палашка).