Гэта старонка не была вычытаная
7
Гэй-жа-гэй!.. Зашумі, сасоньнік,
Засьвішчэце, віхуры, у полі,
Каб пачуў я у горадзе сёньня
Песьню вёскі аб знойдзенай долі.
Каб пачуў, як жыве і можа
Стары бацька — сівенькі лунь,
Ці пабольшала сена і збожжа
У струхнелай, пакрыўленай пуні…
Ня чуваць сіняй далі адказу,
Мо‘ дзе блукае песьня ў палёх…
Каб, здаецца, узьняцца адразу —
Праляцець над палямі я мог:
Паглядзець на лясы, сенажаці,
Падзівіцца на родны той кут,
