Срэбныя змеі

З пляцоўкі Вікікрыніцы
Jump to navigation Jump to search
Срэбныя змеі
Верш
Аўтар: Максім Багдановіч
Крыніца: http://www.maksimbogdanovich.ru/stories/39.htm



Срэбнымі рожкамі мгліцца
3 цёмных нябёс маладзік;
Возера плешча, бурліцца, -
Рушыцца ў ім вадзянік.

Ў хвалях гуляць выпускае
3 віру змяю за змяёй;
Вось іх грамада ўсплывае,
Срэбнай ірдзіцца луской.

Будуць яны ўсю ноч віцца,
Ў хвалях хрыбтамі блішчаць;
Будуць сціскацца, круціцца,
Гэтак да рання гуляць.

Свецячы блескам чырвонца
Праз парадзеўшую мглу,
Пусціць, уставаючы,сонца
Ў іх залатую іглу.

Згіне змяя за змяёю,
Знікне з нябёс маладзік.
Доўга па іх пад вадою
Будзе ўздыхаць вадзянік.