Спадчына (1922)/VI/«Чын», гэрб і лапаць

← Пчолы й трутні

«Чын», гэрб і лапаць Байка Аўтар: Янка Купала 1922 год

Груганы →

Іншыя публікацыі гэтага твора: «Чын», гэрб і лапаць.

Прапануем да спампаваньня!

«ЧЫН», ГЭРБ І ЛАПАЦЬ.

Заспрачаліся „чын“ з гэрбам
Раз, як п’яны з п’яным:
Хто з іх лепшы і над кім хто
Быць павінен панам.

Лапаць доўга слухаў, слухаў,
Дык буркнуў бяз жартаў:
«Кіньце спрэчку: вы абодва,
Вісельніцы варты!»

21/X—13.