Спадчына (1922)/III/Бацькаўшчына

← Для Бацькаўшчыны

Бацькаўшчына Верш Аўтар: Янка Купала 1922 год

Пчолы →

Іншыя публікацыі гэтага твора: Бацькаўшчына (Купала).

Прапануем да спампаваньня!

БАЦЬКАЎШЧЫНА.

З зямлёй і небам зьвязывае мяне ніць—
Не разарваная веквечна павуціна:
Зямля мяне галубіць, як вернага сына,
А сонца мне душу ня кідае туліць.

Яшчэ ў калысцы я наўчыўся з песень сьніць
Аб гэтых блізкіх мне, а цесных так, мясьцінах:
Што роднай нівы я мільённая часьціна,
Што зоркі роднай ў сэрцы мне іскрынка тліць.

Так Бацькаўшчыну я здабыў сабе бяз злосьці,
Узрос з яе й чужых з яе ня скінуў косьці,
Грудзьмі тулюсь к ёй, як да матчыных грудзей.

І калі зьдзекваецца нада мною хтосьці—
Над Бацькаўшчынай зьдзекваецца ён маёй,
Калі-ж над ёй—мяне тым крыўдзіць найцяжэй.

1915 г.