Спадчына (1922)/II/Тут і там

З пляцоўкі Вікікрыніцы
Перайсці да навігацыі Перайсці да пошуку
* * * (Можам часта мы плакаць…) Тут і там
Верш
Аўтар: Янка Купала
1922 год
У хорамах
Іншыя публікацыі гэтага твора: Тут і там (Купала).

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




ТУТ І ТАМ.

Вы тут гуляеце, панове,
У сытай, п’янай чарадзе,
А там—што робіцца ў вёсцы,
І ў думку вам не набрыдзе.

Тут у крыві людзкой скупана
Капейка сходзіць задармо,
А там, у вёсцы ў непацешнай,
Расьце, вялічыцца ярмо.

Тут вы прышлі разьбіць аб чаркі
І чэсьць і славу напалам;
Там горы ўзносяць, рыюць ямы,
Каму?—згадаць пара ўжо вам!

1909 г.