Сонечны паход (1929)/Разбуджаная

Разбуджаная
Верш
Аўтар: Міхась Чарот
1929 год

Іншыя публікацыі гэтага твора: Разбуджаная.

Прапануем да спампаваньня!

РАЗБУДЖАНАЯ

Русь Белая,
Захутаная ў вопратку туману,
Пакорная, нясьмелая
У даль пайшла к няведамаму стану,
Як дзён мінулых здань.
А тут жыве крывёю вымытае цела
Той Белай Русі… І цяпер
Мы ў вопратку прыгожую яе адзелі…
Ня сну ўчарашняму, а праўдзе сёньня вер…
Калі прачнуўся — глянь!
Ускросшая,
Імкнецца ўдаль… назад не пазірае
Магутная, усё змогшая,
Працуе на зямлі над пабудовай раю…
{{gap|2.5em}Жыцьця змывае бруд.
І ставіць новыя на межах маякі,
Старанна ўвысь вядзе працоўныя палацы…
і вольна жывучы, мінулыя вякі
Дзяньніцай зьнішчаны і болей ня прысьняцца…
{{gap|2.5em}На Беларусі тут!

1922 г.