Смык беларускі (1894)/Afiara

← Panskaja łaska

Afiara Верш Аўтар: Францішак Багушэвіч 1894 год

Skacinnaja opieka →

Іншыя публікацыі гэтага твора: Ахвяра (Багушэвіч).

Прапануем да спампаваньня!

Afiara.

Malisiaż babulka da Boha,
Kab ja panam nikoli nia byŭ :
Nia żadaŭby nikoli czużoha,
Swajo dzieła jak treba rabiŭ.
Kab prad mieńszym ja nosu nia draŭ,
A prad bolszym nia korczyŭ spiny,
Kab hrech swoj prad saboj ja paznaŭ
U drugich kab nia widzieŭ winy ;
Czużych żon, kab nia wioŭ da hrachu,
A swoju, kab jak treba lubiŭ,
Kab mnie dzieci byli u słuchu,
Kab ja baćkam dla ich wiek dażyŭ.
Kab ludziej priznawaŭ za bratoŭ,
A bahactwa swajo mieŭ za ich,
Kab za kraj byŭ umiorci hatoŭ
Kab nia pragnuŭ ajczyzny czużych.
Kab ja Boha swaho nia akpiŭ,
Kab nia zdradziŭ za hroszy swoj lud,
Kab swaho ja dabra nia prapiŭ,
I nizaszto nia mieŭ czuży trud.
Kab pa dwojczy mnie hroszy nia brać,
Za pradany kusoczek rali,
Kab swaju mnie ziamielku arać
I umiorci na jej choć kali,
Dyk prasiż ty u Boha mali,
Kab ja panam nikoli nia byŭ !