Слуцкія песьняры (1926)/Я. Сукала/І чаму я ня той

← Кінь ты вокам наўкол

І чаму я ня той Верш Аўтар: Язэп Сукала 1926 год

Люблю →

Прапануем да спампаваньня!

І ЧАМУ Я НЯ ТОЙ…

І чаму я ня той
ручаёк цякучы,
што бяжыць у перабой
вадою бліскучай.

У разводзьдзе вясны
я ўзбунтаваўся-б,
і тады на заход
хваляю памчаўся-б.

Затапіў-бы я там
панскія палацы,
волю-б даў мужыкам —
дзецям цяжкай працы.

Нёмна — дзядзьку свайго
шчыра прывітаў-бы,
пра жыцьцё пра яго
хваляй запытаў-бы,

І тады па мяжы
бацькаўшчыны мілай
я-бы сьлед пралажыў
там сваёю сілай,

Я-б яе апавіў
срэбнаю істужкай,
вадой глебу ўспаіў
чыстаю, жывучай.

Дык чаму я ня той
ручаёк бягучы,
што бяжыць у перабой
вадою бліскучай.