Руслан і Людміла (апошняя рэдакцыя)/Прысвячэнне

Руслан і Людміла (апошняя рэдакцыя) Паэмы Аўтар: Аляксандр Пушкін 1820 Арыгінальная назва: Руслан и Людмила Пераклад: Андрэй Александровіч

Уступ →

Прапануем да спампаваньня!

Прысвячэнне

Для вас, душы маёй царыцы,
Для вас, красуні, для адных
Часоў мінулых небыліцы,
Парой спачынкаў залатых,
Пад шэпт даўніны гаварлівай,
Пісаў я вернаю рукой;
Прыміце ж працы плён гуллівы!
Не трэба мне хвальбы людской,
Я шчасны ўжо надзеяй светлай,
Што, можа, ўпотайку свае
Дзяучына вочы кіне ветла
На песні грэшныя мае.