Раніца рыкае (1925)/Песьня/Я ў песьні пра вёску трыбуню

← Ой-ты, хмелю!

⁂ (Я ў песьні пра вёску трыбуню) Верш Аўтар: Язэп Пушча 1925 год

Прывітаньне табе →

Іншыя публікацыі гэтага твора: Я ў песьні пра вёску трыбуню…

Прапануем да спампаваньня!

∗     ∗
∗

Я ў песьні пра вёску трыбуню, —
хоць скажа мо‘ хто, што дарэмна?
Але-ж не! Майго сэрца рабунак
яшчэ крэсіцца вогневым крэмнем.

Я прышоў ў гэты сьвет яснавокі
апаясаны путам пянчаным;
я прышоў і заўважыў навокал,
як людзі махаюць мячамі.

Ну дык як-жа мне быць чупірадлу?
Я падумаў тагды мімавольна, —
і вельмі, ах вельмі я рад быў,
калі вёска ўзбуяніла кольлем.

Гэта выбух адвагі мужычай
замазоль на далоні каравай.
Гэта наш беларускі ўжо звычай
разгуляцца хмялёва і брава.
І ня раз, ой ня раз так бывала —
я пра гэта яшчэ не забыўся.
Я сягоньня на нашым літсплаве
ды за песьню-мужычку пабіўся.

Вось за тым я й пра вёску трыбуню, —
хай ня кажуць, што гэта дарэмна.
хай-жа знаюць, што сэрца рабунак
яшчэ крэсіцца вогневым крэмнем.