Рандо (Багдановіч)

З пляцоўкі Вікікрыніцы
Jump to navigation Jump to search
Рандо
Верш
Аўтар: Максім Багдановіч
Крыніца: http://rv-blr.com/vershu/view/361


Узор прыгожы пекных зор
Гарыць у цемні небасхіла;
Вада балот, стаўкоў, азёр
Яго ў глыбі сваей адбіла.
І гімн сьпявае жабаў хор
Красе, каторую зьявіла
Гразь луж; напоўніць мгла прастор,
І ўстане зь іх гарашчы міла
                     Узор.
І сонца дальш, клянуць, што скрыла
Луж зоры днём. І чуе бор,
І чуе поле крэхат хілы,
Ды жаб ня ўчуць вышэй ад гор,
Там, дзе чыясь рука зрабіла
                     Узор.

(1911)