|
Апранулася неба блакітам;
Усьміхнулася сонца прыгожае…
Ой, пашоў я балотам, ракітамі
Касіць з хлопцамі поплаў мурожны.
А наўкола раздольле, дый толькі…
Плешчуць песьні налева й направа…
Ў сэрцы радасьці, радасьці столькі,
Колькі сонца яскравага ў травах…
Сэрца б‘ецца, сэрца ракоча
У тахт жаўранкавай песьні,
А ўдалі ды за лесам, ракою
Дажынаюць дзяўчаты з песьняй.
Эх, пайду!.. размахнуся касою,
Накідаю пракосаў навокал,
І наўю сенажаці я голаў,
І ўбяру яе чыста, як вока.
А як сонца пачне расставацца,
Прытулюся да рэчкі паціху…
Будуць хвалі ў асоках шаптацца.
Ўсплёскам хвалі мяне закалышуць…
...............
Апранулася неба блакітам;
Усьміхнулася сонца прыгожае…
Ой, пашоў я балотам, ракітамі
Касіць з хлопцамі поплаў мурожны.
|
Прапануем да спампаваньня!