Прыйдзе вясна

← Над магілай

Прыйдзе вясна Верш Аўтар: Максім Багдановіч 1908

Мае песні →

Прапануем да спампаваньня!

Холадна. Вецер па полі гуляе,
  Вые, як звер,
Снег узрывае, нуду наганяе, —
  Кепска цяпер!
Але мне сэрца пяе: не нудзіся!
  Прыйдзе вясна!
Гукне: "Прачніся, зямля! прабудзіся
  З цяжкага сна!»
Сонца прагляне, зазелянее
  Траўка ў лугу,
Гукне вясна і, як ветрам, развее
  Гора-нуду!

(1908)

Глядзіце таксама

• Przyjdzie wiosna (Polski)