Прыгоды Мюнхаузена (1938)/1/Пакараная сквапнасць

← Першае падарожжа на месяц

Пакараная сквапнасць Апавяданьне Аўтар: Готфрыд Аўгуст Бюргер, Карней Чукоўскі 1938 год Арыгінальная назва: Die Abenteuer des Baron Münchhausen (1785)

Коні падпахамі, карэта на плячах →

Прапануем да спампаваньня!

ПАКАРАНАЯ СКВАПНАСЦЬ

Практыка, набытая такою цяжкай працай, робіць чалавека разумнейшым.

Пасля падарожжа на месяц я прыдумаў больш зручны спосаб ратаваць сваіх пчол ад мядзведзяў.

Вечарам я вымазаў мёдам дышаль у возе і схаваўся недалёка ад яго.

Як толькі змерклася, да воза падкраўся велізарны мядзведзь і пачаў сквапна злізваць мёд, якім быў вымазан дышаль. Абжора так захапіўся гэтым ласункам, што і не заўважыў, як дышаль увайшоў яму ў горла, а пасля ў жывот і нарэшце вылез у яго ззаду.

Гэтага я толькі і чакаў.

Я падбег да воза і ўбіў у дышаль ззаду мядзведзя тоўсты і доўгі цвік! Мядзведзь аказаўся надзетым на аглоблю. Цяпер ужо яму не саслізнуць ні туды, ні сюды. У такім становішчы я пакінуў яго да раніцы.

Раніцаю дачуўся пра гэта сам турэцкі султан і прышоў зірнуць на мядзведзя, злоўленага з такой дзіўнай хітрасцю. Ён доўга глядзеў на яго і рагатаў аж заходзіўся.