Праграма і статут «Праваслаўна-Беларускага Дэмократычнага Аб’еднаньня» (1927)/Арганізацыйны статут
| ← Праграма Партыі „Праваслаўна-Беларускага Дэмократычнага Аб’еднаньня“ | Арганізацыйны статут Партыі „Праваслаўнага Беларускага Дэмократычнага Аб’еднаньня“ Статут 1927 год |
Прапануем да спампаваньня!
|
Арганізацыйны Партыі „Праваслаўнага Беларускага
Дэмократычнага Аб’еднаньня“ |
Сябры ПБДА.
1. Сябром ПБДА можа быць кожны беларус, які прыймае праграму ПБДА і станоўча гатоў працаваць на грунце гэтай праграмы.
2. Абавязкам кожнага сябра ПБДА зьяўляецца:
а) выконываць усялякія арганізацыйныя распараджэньні, атрыманыя ад партыйных уладаў, і прыймаць партыйныя становішчы, на якія будзе выбраны;
б) аплачываць партыйную складку, разьмер якой акресьлівае цэнтральная мейсцовая партыйная ўлада;
в) мець партыйны білет.
3. Кожны сябра ПБДА мае права:
а) прыймаць удзел у сходах і зьездах ПБДА;
б) выбіраць і быць выбіраным на ўсе становішчы ў партыйнай арганізацыі.
4. Сябры ПБДА прыймаюцца мяйсцовай арганізацыяй або вышэйшымі партыйнымі ўладамі.
5. Ніхто з сяброў ПБДА ня можа належыць да іншых палітычных партыяў.
6. За праступкі проціў партыі, альбо плямуючыя і паніжаючыя годнасьць чалавека, сябра ПБДА можа быць часова ці зусім выключаны з партыі.
Права на часовае выключэньне маюць мясцовыя партыйныя улады, а на поўнае — улада цэнтральная.
Пазбаўлены на пэўны час правоў сябра ПБДА мае права ў працягу месяца абжалаваць пастанову мясцовай арганізацыі ў Цэнтральны Камітэт, які і вырашае тады аканчальна гэтую справу.
Мяйсцовая арганізацыя.
7. Сябры ПБДА, якія пражываюць ў аднэй ці некалькіх суседніх вёсках, ствараюць партыйны Гурток. У вялікіх мястэчках і гарадох районныя гурткі ПБДА могуць лучыцца ў адзіную гарадскую арганізацыю ПБДА.
Аб стварэньні гуртка старшыня яго паведамляе Цэнтральны Камітэт.
8. Гурток выбірае свой Камітэт, складзены з трох асоб: старшыні, сэкрэтара і скарбніка. Камітэт выступае ад імя Гуртка, згодна з пастановамі Гуртка або згодна распараджэньняў вышэйшых партыйных уладаў.
9. Сходы Гуртка адбываюцца ў меру патрэбы і склікаюцца з уласнай ініцыятывы Камітэту, на жаданьне трох сяброў Гуртка, або на жаданьне вышэйшай партыйнай улады.
10. Да кампэтэнцыі Гуртка належыць:
а) прыймо сяброў і пазбаўленьне іх правоў;
б) выбар дэлегатаў на партыйныя зьезды і Агульны Зьезд;
в) зьбіраньне складак, партыйных ахвяраў і падпіскі ад сяброў на газэту;
г) вызначэньне для Камітэту і паасобных сяброў Гуртка прац арганізацыйна-агітацыйных, асабліва-ж працы ў пашырэньні партыйных друкаў і ў знаходжаньні новых падпішчыкаў газэты;
д) прыйманьне справаздачаў аб дзеяльнасьці Камітэту і паасобных сяброў Гуртка;
e) вызначэньне кандыдатаў у гмінную раду, касу хворых, а таксама ў-ва ўсякія мясцовыя таварыствы прасьветныя, гаспадарчыя і грамадзкія;
ж) разважаньне над палітычнымі справамі і прыйманьне пастановаў як агульных, так і ў справах мясцовага характару.
11. Адказным перад партыяй за працу Гуртка зьяўляецца Камітэт Гуртка.
Павятовая арганізацыя.
12. Сябры ПБДА, якія жывуць у адным павеце, складаюць арганізацыю ПБДА данага павету.
13. Сябры ПБДА зьбіраюцца ня меньш аднаго разу ў год на Павятовы зьезд.
14. Павятовы зьезд ПБДА склікаецца Павятовым Камітэтам па:
a) пастанове Павятовага Камітэту;
б) жаданьню вышэйшай партыйнай улады;
в) жаданьню найменьш трох партыйных Гурткоў.
15. Павятовы зьезд
а) выбірае Павятовы Камітэт у складзе старшыні, сэкрэтара, скарбніка і па адным сябру Камітэта ад кожнага Гуртка;
б) прыймае справаздачу аб дзеяльнасьці Камітэту;
в) разважае справы палітычныя і выносіць у гэтых справах свае пастановы;
г) выбірае дэлегатаў на партыйны Агульны Зьезд.
16. Паседжаньні Павят. Камітэту вызначаюцца:
a) пастановай папярэдняга паседжаньня;
б) старшынёй Камітэту з уласнай ініцыятывы або на жаданьне двух сяброў Камітэту;
в) па жаданьню вышэйшай партыйнай улады.
17. Да абавязкаў Павятовага Камітэту належыць:
а) падгатоўка і скліканьне павятовых зьездаў;
б) кантраляваньне дзеяльнасьці мяйсцовых Гурткоў і прэзыдыуму Камітэту;
в) выконаваньне пастановаў зьездаў;
г) арганізаваньне мітынгаў і палітычных нарадаў, кіраваньне палітычнай акцыяй на абшарах павету ў мэтах паглыбеньня сьвядомасьці беларускіх сялянскіх і работніцкіх масаў і пашырэньня арганізацыі;
д) складаньне Цэнтральнаму Камітэту квартальных (4 разы ў год) справаздач аб партыйнай дзеяльнасьці, а таксама аб палітычным, культурным і гаспадарчым жыцьці ў павеце.
18. Пастановы Камітэту выконывае прэзідыум у складзе старшыні, сэкрэтара і скарбніка. Прэзідыум павінен утрымліваць сталую сувязь з Камітэтамі Гурткоў і з Цэнтральным Камітэтам. Прэзідыум выдаець сяброўскія білеты; кантралюе падпіску на газэту і сяброўскія складкі, а таксама кантралюе пашырэньне партыйных друкаў.
Адказным перад Цэнтральным Камітэтам за стан працы ў павеце зьяўляецца прэзідыум; прэзідыум падаець Цэнтральнаму Камітэту кожны месяц сьпіс усіх сяброў ПБДА ў павеце.
Акружная арганізацыя.
19. Цэнтральны Камітэт, калі знойдзець патрэбным, стварае Акружныя Арганізацыі ПБДА, злучаючы ў іх па некалькі павятовых арганізацый.
Агульны зьезд.
20. Найвышэйшай уладай ПБДА зьяўляецца Агульны Зьезд. Агульны Зьезд пастанаўляе аб усей палітычнай і арганізацыйнай дзеяльнасьці ПБДА, а таксама аб праграме, тактыцы і статуце, выбірае Цэнтральны камітэт і Рэвізыйную камісію ПБДА, а роўна прыймае ад іх справаздачу.
21. Агульны Зьезд складаецца з дэлегатаў, выбраных ад Гурткоў, а таксама на павятовых зьездах, і склікаецца Цэнтральным Камітэтам ня меньш аднаго разу ў год. На жаданьне найменш 3 арганізацый павятовых (зьездаў ці павятовых камітэтаў) Цэнтральны Камітэт павінен склікаць Агульны Зьезд у працягу трох месяцаў.
Цэнтральны Камітэт.
22. Цэнтральны Камітэт кіруе дзеяльнасьцьцю Павятовых Камітэтаў і ўсіх іншых арганізацыяў ПБДА.
23. У выпадку пільнай патрэбы выявіць становішча ўсяе ПБДА ў паасобных справах, — Цэнтральны Камітэт склікае Раду ПБДА, складзеную з прадстаўнікоў павятовых Камітэтаў і мужоў даверыя.
24. Цэнтральны Камітэт складаецца з 11 сяброў і выбірае з-паміж сябе прэзыдыум у складзе 5 асоб, у гэтай лічбе старшыню, віцэ-старшыню, скарбніка, сэкрэтара і яго заступніка.
25. Паседжаньні Цэнтральнага камітэту адбываюцца ў меру патрэбы і склікаюцца старшынёю з яго ініцыятывы, па пастанове прэзыдыуму або на жаданьне трох сяброў Камітэту.
26. Для вядзеньня паасобных галін працы Цэнтральны камітэт стварае аддзелы і выбірае з лічбы сяброў Камітэту кіраўнікоў гэтых аддзелаў.
27. Паседжаньні Прэзыдыуму Ц. К. адбываюцца раз у тыдзень. На свае паседжаньні Прэзыдыум мае права запрашаць кіраўнікоў паасобных аддзелаў.
Рэвізыйная Камісыя.
28. Рэвізыйная Камісыя складаецца з трох сяброў і аднаго заступніка, якіх выбірае Агульны Зьезд ПБДА.
29. Рэвізыйная Камісыя спраўджае прыхода-расходную кнігу Цэнтр. Камітэту і робіць справаздачу на Агульным Зьездзе ПБДА.
Фінансы ПБДА.
30. Фінансы ПБДА складаюцца:
a) з сяброўскіх складак;
б) са складак пасольскіх;
в) з даходаў ад прадажы партыйнае літаратуры;
г) з ахвяраў і даходаў надзвычайных.
31. Палова сяброўскіх складак застаецца ў арганізацыі мяйсцовай ці павятовай, другая-ж палова адсылаецца ў Цэнтральны Камітэт.
32. Павятовыя зьезды маюць права устанаўляць дадатковыя складкі на спэцыяльныя мэты.
Пастановы.
33. Пастановы ўсіх партыйных уладаў і сабраньняў прыймаюцца звычайна большасьцю галасоў. Пастановы-ж Агульнага Зьезду адносна праграмы, ці тактыкі, або Статуту ПБДА вымагаюць большасьці ⅔ галасоў дэлегатаў, прысутных на Агальным Зьездзе.
Часовыя правілы.
34. Да часу сабраньня першага Агульнага Зьезду ПБДА Цэнтральны Камітэт выбіраецца Часовай Радаю, якую становіць ініцыатыўная група ПБДА.
35. У тых паветах, дзе яшчэ ня створаны мяйсцовыя Гурткі і ня выбраны яшчэ павятовыя Камітэты, вядуць арганізацыйную працу мужы даверыя ПБДА, назначаныя Цэнтральным камітэтам і перад ім адказныя.