Пад родным небам (1922)/З году ў год/Пяе струна

← Можа быць

⁂ (Пяе струна) Верш Аўтар: Змітрок Бядуля 1922 год

⁂ (З пылаючых квятаў-агнішчаў…) →

Іншыя публікацыі гэтага твора: Пяе струна натхнёная…

Прапануем да спампаваньня!

∗     ∗
∗

Пяе струна надхнёная,
Варожыць па начы;
Ад шчасьця млею, стогну я,
О, сэрца, не маўчы!..

Папера — поле белае
Для літараў-зярнят.
Шчыр-думкі сею сьмела я,
Я — сейбіт, я — багат.

Радкі — барозны роўныя
Вяду сахой-пяром.
Ратайскай сілай поўны я,
Магутнаю, як гром.

1921 г.