На ростані (1924)/IV/Хлопчык

← ⁂ Узыйсьці на вогнішча натхненьня

Хлопчык Верш Аўтар: Уладзімір Жылка 1924 год

⁂ Як ўсё ў жыцьці →

Іншыя публікацыі гэтага твора: Хлопчык (Жылка)

Прапануем да спампаваньня!

ХЛОПЧЫК.

На дубец ускочыў конна:
— „Косю, косю, стой-жа стой!
Вось ўдаўся конь ня сонны —
Не пастоіць пада мной“.

Хлопчык строіцца ў дарогу.
— „Ты-ж куды? — „Далёка проч!“
І, махнуўшы пугай строга,
Шпарка ён імчыцца, ўскоч.

Ах, свавольнік, мой патвора,
Бегай, сьмейся і гуляй.
Не дакучаю дакорам —
З год дзіцячых карыстай.

Што-ж, жывучы потым ў сьвеце,
Нагадаецца якраз,
Як скакаў к далёкай мэце
На дубцы вярхом пад час…