На Коляды (Ластоўскі)

На Коляды Верш Аўтар: Вацлаў Ластоўскі 1923 год Крыніца: Часопіс «Крывіч», № 6, сьнежань 1923 г., б. 1

у зьмесьце: На коляды

Прапануем да спампаваньня!

На Коляды.

Ясны месяц—сам пан гаспадар,
Красна сонца—яго жана,
Дробны зоранькі—яго дзетухны,
Буен вецер— яго служанькі.
З коляднай шчадроўкі.

Сьвятаў Калядаў крівыцкім звычаям
ў хатках нізенькіх прыждаўшы,
ў конадзень славіці выправім чэлядзь к суседу,
„слаўце як трэба“ сказаўшы.
Сам я сягоньня з жаною, князям й княгіняй завуся:
месякам ясным я ў хаце,
сонейкам жоначка будзе…
Сеўшы на покуць, на лаве шырокай,
дзетачак-зорак і чэлядзь пасадзім круг-столу:
вось і нябёсы у хатцы убогай,
вось і багамі мы людзі!

---