Шляхам Змаганьня/Наш дух

← Наш шлях—змаганьне

Наш дух Верш Аўтар: Уладзіслаў Казлоўскі 1935 год

Пустая хатка →

Прапануем да спампаваньня!

НАШ ДУХ.

З доўгай, крыўднай болі,
Вечнае бяды
Вырвецца да волі
Дух наш малады.

Клічам да змаганьня
Край ускалыхне,
Ўсіх да абьяднаньня
Дзейнасьцю папхне.

Будзе ён бадзёра
Волю галасіць
І сьпякоту гора
Вераю гасіць.

Вузел злы развяжа,
Горда ўзьніме сьцяг,
Нам усім пакажа
Долі нашай шлях.