Народ, Беларускі Народ!

Народ, Беларускі Народ! Верш Аўтар: Максім Багдановіч 1913

Прапануем да спампаваньня!

 * * *

Народ, Беларускі Народ!
Ты — цёмны, сляпы, быццам крот.
Табою ўсягды пагарджалі,
Цябе не пушчалі з ярма
І душу тваю абакралі,—
У ёй нават мовы няма.
Збудзіўшысь ад грознай бяды,
Ўвесь поўны смяротнай жуды,
Ты крыкнуць не вольны «Ратуйце!»
І мусіш ты «Дзякуй» крычаць.
Пачуйце жа гэта, пачуйце,
Хто ўмее з вас сэрцам чуваць!

(1913)

Глядзіце таксама

• Narodzie, Białoruski Narodzie! (Polski)