Наказ РНМ БНР Надзвычайнай Дыпляматычнай Місіі БНР у Маскву
| Наказ РНМ БНР Надзвычайнай Дыпляматычнай Місіі БНР у Маскву Наказ Аўтар: Вацлаў Ластоўскі Чэрвень 1920 году Крыніца: Архівы Беларускай Народнай Рэспублікі, Т. 1, кн. 1, 1998 г., б. 798-799 |
| Машынапісная копія ў Дзяржаўным Архіве Летувы: Фонд 582 вопіс 2 справа 54 аркуш 246. |
Прапануем да спампаваньня!
… Чэрвеня 1920
№…
Надзвычайнай Дыплематычнай Місыі
Беларускай Народнай Рэспублікі ў Маскву
1. Дэлегацыя афіцыянальна паведамляе Р.С.Ф.С.Р. аб апавяшчэньні Беларускай Народнай Рэспублікі у межах этнаграфічных.
2. Дэлегацыя навязывае перэгаворы з Р.С.Ф.С.Р. аб прызнаньні незалежнасьці і суверэннасьці Беларускай Народнай Рэспублікі Расеяй.
3. Дэлегацыя гаворыць аб ачыстцы этнаграфічна-беларускай тэррыторыі і аб перэдачы уласьці Ураду Б.Н.Р. на гэных тэррыторыях.
4. Дэлегацыя выясьняе пытаньне аб таварообмене паміж Беларусьсю і Расеяй.
5. Дэлегацыя у пытаньню аб граніцах будзе стаяць на строга этнаграфічных прынцыпе.
6. Дэлегацыя выясьняе пытаньне аб держаунай пазычцы на культурныя патрэбы для Б.Н.Р.
7. Дэлегацыі надаецца права кооптаваць у склад дэлегацыі спецыялістоу і экспертоу з правом дарадчаго голасу.
8. У пытаньнях надзвычайнай дзяржаунай важнасьці дэлегацыя зносіцца з Урадам.
9. Дэлегацыя становіць цело колегіальнае.
10. Дэлегацыя мае печатку з надпісам «Беларуская Народная Рэспубліка. Надзвычайная Дыплематычная Місыя у Маскву».
Старшыня Рады Народных Міністроу і
заступаючый Міністра Загранічных Спрау.
Кіраўнік Канцэлярыі Рады Міністроў.