Наддзьвіньне (1926)/Вершы (Дубовік)/Бы хмель асалоды…

← Парвалася залатаструньне дня…

Бы хмель асалоды… Верш Аўтар: Мікола Дубовік 1926 год

⁂ (Да мураванае сьцяны…) →

Прапануем да спампаваньня!

Бы хмель асалоды…

Бы хмель асалоды,
бы зелень галін,
на дні, што надыйдуць
вянок завілі.

Вянок завілі
і на хвалях рачных
варажылі
ў купальскай начы.

і хвалі вянок
панясьлі,
панясьлі.......
..............
Там да самага долу
схіляецца сінь…

Бы хмель асалоды,
бы зелень галін
на дні, што надыйдуць
вянок завілі.

Полацак, 1926 г.

---

---