Мяцеліца

З пляцоўкі Вікікрыніцы
Перайсьці да навігацыі Перайсьці да пошуку
Мяцеліца
Верш
Аўтар: Алесь Гарун
Крыніца: http://rv-blr.com/vershu/view/700


Ой, спаліце, перуны,
Майго Янку, бо дурны!
Назаляе толькі мне,
А каб сватацца, дык не!
         Я казала, дый ня раз:
         Прысылай сватоў да нас;
         Татка добры, ён аддасьць,
         У пасаг – цялушку дасьць.
А той Янка, той благі,
Ўсё сьмяецца – «гі-гі-гі!»
Да таго ж часамі кпіць:
«Ну, чаго табе карціць?»
         Ой, праліцеся, дажджы,
         А ты, Яначка, пажджы:
         Учыню табе бяду,
         За нікога не пайду!