Межы (1929)/V/Гляджу я ў даль

← Ну, чаму ты, мора

Гляджу я ў даль Верш Аўтар: Алесь Гурло 1929 год

На моры →

Іншыя публікацыі гэтага твора: Гляджу я ў даль…

Прапануем да спампаваньня!

ГЛЯДЖУ Я Ў ДАЛЬ…

Гляджу я ў даль, а ў бераг плешча мора…
І я ня ведаю, ці свой я, ці чужы, —
Ці з радасьцю, ці з злосьцю, ці з дакорам
За валам новы вал насустрач мне бяжыць?!

Бягуць яны і з рокатам і з звонам
І пену белую на грабянёх нясуць.
Прыбой гудзе, прыбой неугамонны,
І агарнуў мяне ні то трывогі сум,

Ні то жаданьне з бураю змагацца.
Хоць я даўно адвык хваль гоман разумець,
Але мне часта іх прыбоі сьняцца,
А шум у вушах не пакідаў шумець.

8-VII — 28 г.
Ялта.