Межы (1929)/II/Рассыпае мерна

← Хмары па небе

Рассыпае мерна Верш Аўтар: Алесь Гурло 1929 год

У асеньнюю ноч →

Іншыя публікацыі гэтага твора: Рассыпае мерна…

Прапануем да спампаваньня!

РАССЫПАЕ МЕРНА…

Рассыпае мерна залатыя лісьці
Клён высокі, стройны, што стаіць вось тут;
А былі яны мне сьведкамі калісьці,
Калі песьціў думку я сваю ў цьвяту.

А цяпер вось разам з гэтаю красою
Адквітае, жоўкне мая пекната,
І застылі мары буйнаю расою,
Месьціцца у сэрцы бясьпуцьця слата.

Але час вось гэты — толькі пераходны,
Ён міне, пяройдзе ў час другой красы;
Загарацца ў сэрцы новыя паходні
І пральлюцца песьні новай галасы.

1925 г.