Мая ліра (1924)/II/Чарачку адну

← Пашлі мне Божа

Чарачку адну Верш Аўтар: Казімір Сваяк 1924 год

Чары Айчыны →

Датуецца паводле аўтографа 5 траўня 1922.

Прапануем да спампаваньня!

ЧАРАЧКУ АДНУ…

„Чарачку адну,
„Каб забыці родную
„Сваю старану,

Не глядзеці як брат родны
Душу прадае,
Пазабыўшы шлях свабодны
І песьні свае.

„Чарачку адну,
„Каб забыці родную
„Сваю старану,

Прагавіту каб пракляці
Чужынца руку,
Зельлем розум счараваці
Яму павуку.

„Чарачку адну,
„Каб забыці родную
„Сваю старану,

Перад Богам каб упасьці,
Яго умаліць —
Або вечна запрапасьці,
Бо душа баліць.

„Чарачку адну,
„Каб забыці родную
„Сваю старану.