Малітва мая
| ← Апошні час | Малітва мая Абразок Аўтар: Вячаслаў Вячаслававіч Адамовіч 1921 год Крыніца: Часопіс «Раніца», № 8, 31 сьнежня 1921 г., б. 2 |
Я зваў яе → |
Прапануем да спампаваньня!
Божа зьлітуйся, ці Ты ня бачыш, што чорт пануе над намі. Глянь што робіць ён: брат паўстае на брата, айцец на сына, сын на айца. Матак сваіх прадаюць сыны, айцы дочак.
Няўжо Ты ня бачыш? Ты, Вялікі!
Прыдзі да нас хутчэй і сілай сваей ад нас нячыстага прагані.
Зрабі нашыя душы такімі, якімі былі яны пры табе, там у раі!..
Малюся Табе, Божачка мілы, хутчэй да нас Ты прыдзі!
„Здраднік ты хтось гаворыць мне і сьмех дзікі Я чую…
Хто ты, кінуўшы мне гэтае слова?
Адкуль ты прыйшоў да нас?
Чаго табе трэба?
Я ведаю добра ў душу тваю ўвайшоў той, хто цяпер пад намі пануе, той хто цешыдца сваркай нашай…
І ты, ты, брат мой бедны, ня меў сілы яго ад сябе адагнаць! Ты пайшоў за ім і робіш яго справу, ты, гатоў нож у сэрца брата твайго ўсадзіць…
Божачка мілы! яму ты гэта даруй! пашлі яму лепшую долю…
Хай кажа, што хоча…
Ты-ж ведаеш усё!
Ведаеш сэрца і душу маю.
Ведаеш што кроў сваю я праліваў за лепшую долю людзей роднай старонкі…
Хацеў, каб сьціхлі сьлёзы спынілася ліцца кроў…
Каб енку ня чулася на роднай краіне, каб шчасьце ў ёй запанавала.
Даруй ім Божухна правы, цябе я малю!
Хай кажуць, што хочуць! і сьмерць я гатоў прыняць ад іх рукі, бо яны паны волі сваей… імі кіруе…
Ты ведаеш хто…
Божачка мілы, ім ты тэта даруй!
Пашлі ім лепшую долю…
Калі Бацькаўшчыну сваю я кахаю ўсім сэрцам і душой дык за гэта, ад іх я чую: Здраднік ты! Даруй ім, Ты Божачка—гэта даруй!
Дзяргач.