Маладая Беларусь (альманах)/3/Вершы (Гурло)/Я вянок спляту дзяўчынцэ…

⁂ (Я вянок спляту дзяўчынцэ…)
Верш
Аўтар: Алесь Гурло
1913 год

Іншыя публікацыі гэтага твора: Я вянок спляту дзяўчынцы…

Прапануем да спампаваньня!

∗
∗ ∗

Я вянок спляту дзяўчынцэ
С кветачак-пралесак,
Бо не маю ей гасьцінца
За любоў сэрдэчну.
Я спляту вянок із ружы
Пекнай і пахучай;
Гэты лепшы можэ будзе
Для сэрца дзявоча?
Я спляту вянок з вергіні
С той, як жар, чырвонай.
За вянок любоў ня згіне, —
Будзе жыці вечна!..