Маладая Беларусь (альманах)/2/Ciška Hartny/III/Da żaŭranki

Da żaŭranki
Верш
Аўтар: Цішка Гартны
1912 год

Іншыя публікацыі гэтага твора: Да жаўранкі (Гартны).

Прапануем да спампаваньня!

12. Da żaŭranki.

Żaŭranka, żaŭranka, ptašačka wolnaja,
Dzietka ščaśliwaja woli światoj,
Dolaj prastoru i świetu biazmieżnaho
Dušu pakutnuju mnie ty napoj.

Ciopłymi bleskami soniejka jasnaho
Z nočy ciamliwaj znimi ty pakroŭ,
Siłaj mahučaju pieśni wiasiołaje
Ščaścia budowinu jej pryhatuj.

Šparka na krylejkach ŭ dal padniabiesnuju
K zoram bliskučym dušu padymi,
Ŭ zieleń ćwitučuju kraskami radaści,
Jak haławu dzieŭču, i wienčyk abwi.

Ŭ siniej paścieli prastoru šyrokaho
Ziemlu chałodnu na wieki schawaj…
Zaŭranka, žaŭranka, ptašačka wolnaja,
Prośbu pačuj ty, chutčej pryletaj!..