Маладая Беларусь (альманах)/2/Ciška Hartny/III/Ŭ bury, ŭ nawalnicy…

← Nieba i Ziemla

Ŭ bury, ŭ nawalnicy… Верш Аўтар: Цішка Гартны 1912 год

Rwusia ja →

Іншыя публікацыі гэтага твора: Мая стыхія.

Прапануем да спампаваньня!

16.

Ŭ bury, ŭ nawalnicy,
Ŭ hromu, ŭ bliskawicy,
U sibirnym hule
Wietranoje siły.
U chwalenni mora
I ŭ šumienniu bora
Šmat čaho mnie miła,
Šmat čaho mnie blizka!

Ŭsio kruhom trasiecca,
Ŭsio kudyś niasiecca,
Łomić i zniščaje
Na puci praškody.
I nima ni zwannia
Siłam tym strymannia,
Jak jany hulajuć,
Jak jany bušujuć…

Chočecca puścicca
Z imi mniej zabycca.
Što ja čuju, baču,
Wiedaju i znaju.
I łamaci lomam
Z wietram, z buraj, z hromam
Ŭsiu biadu lichuju,
Što ŭ żyćciu panuje
S kraju i da kraju!..

---